Gleðilega páska

Kæru bloggvinir

gleðilega páska. Hér skín sólin. En það er pínu rok. Það er búið að vera algjörlega biluð blíða hér alla síðustu viku. Reyndar hefur verið töluvert rok síðustu daga, en samt mjög fínt. Við erum búin að vera mikið úti við og ýmislegt brallað.

Hér er búið að setja upp loftlista þar sem vantaði, sækja hrossaskít og pæla upp kartöfluagarðinn. Það er búið að setja niður kartöflur, rófur, gulrætur, lauk og eitthvað fleira. Svo er eftir að setja niður jarðarber, rabarbara og maís. Það verður spennandi að sjá hvort þetta kemur upp. Svo er búið að hreinsa til í innkeyrslunni og gera klárt fyrir að fá möl. Þannig að maður hefur nú ekki setið auðum höndum síðustu dagana. En það eru nú víst margvísleg verkefni sem bíða.

Ungfrúin fór til læknis á mánudaginn. Hún vildi nú meina að hún væri stálhraust, en ef við vildum, gætum við farið með hana vil háls- nef og eyrnalæknis. Auður er algjörlega á útopnu þessa dagana. Hún er alltaf að prófa eitthvað nýtt og ekki alltaf jafn hættulítið. Hún er orðin aðeins betri til að sofna á kvöldin en vaknar oft 1-2 sinnum á nóttinni. Vonandi að þetta gangi bara yfir.

Frúin fór í 40 ára afmæli á föstudaginn hjá fyrrverandi vinnufélaga sínum. Það var boðið út að borða á veitingarstað og svo heim til afmælisbarnsins á eftir. Það var rosalega gaman. Í gær var svo farið út að sjó með nesti. Það blés eiginlega of mikið, en við létum okkur hafa það. Í dag er svo bóndinn að vinna í að setja upp ný leiktæki á leiksvæði íþróttafélagsins. Það á nú örugglega eftir að taka allan daginn. Danir eru nú ekki þeir hraðvirkustu. 

Það eru komin 3 ný albúm með myndum af kartöflugarðinum og heimasætunni. Endilega kíkið á það.

Jæja best að láta þetta nægja í bili.

Kveðja

Gummi, Ragga og Auður Elín

Athugasemdir

[Gunna og Bragi (IP-tala skráð) 24.4.2011 kl. 12:03]

Gleðilega páska kæra fjölskylda !

Það er greinilega nóg að snúast hjá ykkur í jarðræktinni, gaman að fylgjast með hvort eitthvað kemur upp. Var þetta sama ströndin og við fórum á í fyrrasumar í þokunni og suddanum :) Eru það ekki helgispjöll að vera að vinna svona á páskadag Gummi, það er ekkert gert hér á þessu heimili nema borða páskaegg og legið í leti ! Alltaf gaman að skoða myndir af ykkur og sérstaklega ungfrúnni góðu og sjá hvað hún stækkar og stækkar. Þá er að kíkja á málsháttinn í egginu.

Kveðja úr páskaeggjalandi :)