Nýtt ár gengið í garð

Kæru bloggvinir

Gleðilegt ár og takk fyrir allt það gamla. Við vonum að allir hafi átt góð áramót. Við áttum fín og róleg áramót. Það var mjög skrýtið ekki að hafa krakkana neitt um jól eða áramót. En svona er þetta. Við reiknum ekki með að næstu jól verði alveg svo róleg.

Frúin átti að fara í svokallaða hnakkaþykktarmælingu í síðustu viku. Bóndinn fékk frí í nokkra tíma til að koma með. Þegar við mættum á svæðið kom í ljós að frúin var komin of langt á leið til að hægt væri að gera þessa mælingu. Þetta voru einhver mistök hjá læknunum. En við fengum að skoða barnið í sónar. Og það var mjög fínt. Það var ekki hægt að sjá nein einkenni down syndrom.

Síðustu helgi fluttum við niður í svefnherbergið. Það er rosa munur. Nú er allavega hægt að halda góðum hita í einu herbergi. Við eigum eftir að velja lit á gólflistana og skipta um hurð. Svo þarf að skipta út rofunum einhvern tíma. En það besta er að sofa í hita.

Um helgina sat bóndinn í tölvunni inn í stofunni, þegar hann heyrði eitthvað hvisshljóð. Það kom í ljós að það var komið gat á ofninn, og vatnið frussaðist út. Við börðumst við þetta í svolitla stund, en enduðum með að leita náða hjá nágranna okkar. Hann var ekki heima, en kom eftir svolitla stund. Hann gat lokað fyrir vatnið og reddað okkur, svo það færi ekki allt á flot. Svo nú þurfum við fara á stúfana og leita að nýjum ofni. Þeir eru nú ekki alveg gefins.

Bóndinn byrjaði í nýju vinnunni í dag. Hann á að keyra fötluð börn í skóla. Þetta eru börn með einhverfu, ofvirkni og svo eru einhverjir vandræðagemsar líka. Þetta er auðvitað allt annað en hann hefur prófað áður, svo það verður að koma í ljós, hvort þetta er eitthvað fyrir hann. Það var brunagaddur hér í morgun mínus 8 gráður. Svo þegar bóndinn kom heim og fór hann að reyna að fá hita í brenniofninn, þetta gekk nú heldur brösuglega. Það endaði með að við leituðum á náðir nágrannans. Hann benti okkur á nokkra staði sem þyrfti að tappa lofti af. Þegar bóndinn var búin að því gekk þetta nú eitthvað betur. Þetta er voðalega viðkvæmt kerfi, og það má ekki vera neitt loft á ofnunum. Við erum nú stundum alveg að verða gráhærð á þessu veseni, en það þýðir víst ekkert að væla yfir því.

Við hendum nokkrum myndum inn af nýja herberginu fljótlega

kveðja

Gummi og Ragga

Athugasemdir

[Kristín (hans Ella) (IP-tala skráð) 5.1.2009 kl. 21:54]

Hæhæ, ég og elli biðjum að heilsa :) Við erum að fara byrja safna og ætlum að koma í sumar (hvort sem ykkur líkar betur eða verr ! haha djok ) Erum alveg að farast úr spenningi að sjá bumbubúann Endilega setjiði inn myndir af mallanum þegar það byrjar að sjást á Röggu svo maður geti fylgst með lilla stækka :P Mamma og pabbi (nanna og eggert) biðja að heilsa og óska ykkur til hamingju

Kveðjur frá Íslandi

[Sigrún (IP-tala skráð) 6.1.2009 kl. 13:23]

ÆÆ leiðinlegt að heyra þetta með ofninn vonandi að þið getið lagað þetta sem fyrst, ekki gott að vera hitalaus í kuldanum þessa dagana.

Frábært að Gummi sé kominn í aðra vinnu, efa ekki að þetta er betra en hitt ;o)

 Sjáumst vonandi fljótlega

kv

Sigrún

[Kata (IP-tala skráð) 7.1.2009 kl. 14:21]

Frábært að hafa góða nágranna Er þetta bara ekki svona "Fall er fararheill" Þið verðið búin að koma mestu af húsinu í þokkalegt stand áður en barnið kemur í heiminn og eigið eftir að búa þarna sæl og hamingjusöm til ....... - nei við skulum nú minnst ákveða um það!!

En bestu kveðjur í bæinn og ég hugsa þetta alvarlega með stjörnufræðina! Haha

Kata og Co.