Hitalausa vikan

Kæru bloggvinir

þá er aftur kominn sunnudagur. Manni þótti nú ekkert sérstaklega spennandi að fara að vinna aftur eftir að hafa verið í fríi yfir jól og áramót. En allt gekk þetta nú nokkuð eðlilega fyrir sig. Eins og venjulega.

Annars er það helst að frétta að það hefur gengið voðalega illa að fá hita í kofann síðustu vikuna. Alltaf þegar maður hefur kveikt upp, hefur byrjað að sjóða á brenniofninum eftir smástund. Það þýðir að það fer loft inn á alla ofnana sem þarf að tappa af. Mjög skemmtilegt. Við hringdum í pípulagningarmann til að kíkja á draslið. Hér mætti svo miður gáfaður strákhvolpur, sem ekki gat séð að það væri neitt að. Nema kannski að við kynnum bara ekkert að kveikja upp í ofninum. Sem okkur þótti nokkuð skrýtið þar sem við höfum ekki átt í neinum erfiðleikum með það hingað til. En allavega. Þetta gekk svo fínt í tvo daga. En á föstudaginn byrjaði sama vesenið aftur. Við vorum því hitalaus föstudag og laugardag. Í morgun fór bóndinn svo og hreinsaði allan brenniofninn. Kveikti svo upp aftur og þetta hefur verið til friðs síðan. En hversu lengi það verður, er erfitt að segja. Allavega gott að geta komist aðeins út úr svefnherberginu. Það er eina herbergið sem heldur hita. Við erum með lítinn rafmagnsofn sem við getum sett í samband þar. það verður ekki gaman að fá rafmagnsreikninginn!:) Einn vinur okkar er kannski búinn að redda okkur svona trépillumatara. Sem maður getur tengt við brenniofninn og heldur hita í húsinu allan sólarhringinn. En við eigum eftir að sjá hvort það passar. Það væri auðvitað rosa munur. Svo við vonum það besta. Maður verður bara svona heldur vonlaus þegar hlutirnir ganga svona á afturlöppunum. Sem betur fer hefur verið heldur hlýrra í veðri hérna síðustu viku en vikuna áður, svo þetta hefur ekki verið alveg eins slæmt. En Íslendingar eiga nú örugglega mjög erfitt með að ímynda sér ekki að hafa nógan hita.

Helgin hefur því farið í mest lítið annað en eitthvað vesen. Við erum eiginlega alveg stopp í framkvæmdum eins og er. Vantar málningu í litla herbergið og guð má vita hvenær hún kemur og vantar múrara í stofuna. Við þurfum að velta niður einum burðarvegg og viljum nú ekki gera það nema einhver múrari sé til að aðstoða. Það er á svona tímum sem maður vildi hafa meiri þolinmæði. En við erum nú pínu pressuð af því að við þurfum að vera búin með stærstu framkvæmdirnar fyrir október. Við fengum lán til að gera við húsið og þeir setja þá skilmála að maður sé búinn innan árs. Þess vegna er nú enn meira pirrandi ekki að geta haldið áfram.

Bóndinn byrjaði í nýju vinnunni í vikunni. Þetta hefur allt gengið stórslysalaust og honum líst bara nokkuð vel á þetta allavega ennþá. Krakkarnir eru mörg voða dugleg að hjálpa honum ef hann ratar ekki. Það eru bara ekki allir krakkarnir sem hægt er að treysta að segi alveg rétt frá. Svo það þarf að vita það. En þetta lærist allt. Það er alltaf pínu stressandi að byrja í nýrri vinnu.

Við erum að verða alveg geðveik á tölvu- og símamálum hérna. Þessi internettenging sem við erum með er algjört drasl og ekki alltaf sem maður kemst á netið, nema með einhverjum harmkvælum. En við búumst nú ekket við að hin tengingin komi fyrr en í febrúar.

Þeir sem kíkja hérna inn mega alveg vera duglegri að kvitta fyrir sig! :) Annars höldum við bara að enginn nenni að lesa þetta lengur.

kveðja

Gummi og Ragga

Athugasemdir

[Bragi Einarsson, 11.1.2009 kl. 16:29]

Heil og sæl, kuldabolar og gleðilegt ár.

Þetta eru ekki fagrar lýsingar á hitaástandinu hjá ykkur, elskurnar mínar. En vonandi tekst ykkur að vinna úr þessu vandamáli, ömurlegt að hafa ekki sæmilegann hita í kofanum. Okkur tókst að leigja Lyngbrautina um daginn og það mun létta á okkur töluvert. En það er ekkert að gerast á fasteignamarkaðinum í landinu, gjörsamlega botnfrosið ástandið, svo það er kallt víða en hjá ykkur :)

Héðan er allt gott að frétta, Steinun var hjá okkur um hátíðarnar en fór til Danmerkur á þriðjudaginn var. Vonandi fara netmálin að komast í lag, svo við getum tsjattað á Skæpinu.

Kær kveðja ú Kjóalandinu.

[sur, 11.1.2009 kl. 23:32]

Elsku Ragga og Gummi.

Ég finn til med ykkur, thetta er bara ömurlegt thegar hlutirnir ganga svona. En fólk er mis heppid velkomin í hópinn. Ætla bara so sannarlega ad vona ad thetta fari ad ganga betur, allavega ad thid fáid hita í húsid thad er nú bara lámarkid.

Ég bara skil thetta ekki med nettenginuna og síma, hef heyrt ad thetta taki bara marga mánudi, er ekki all í lægi hjá Telidanmark eda hvad??

Knús og ylur í kotid til ykkar kæru vinir 

[Helgi Rafnsson (IP-tala skráð) 12.1.2009 kl. 22:32]

Sæl og gleðilegt ár.

Þetta hljómar ekki vel með kuldann en þetta hlýtur að koma fyrr en síðar.

Gangi ykkur vel.

Helgi Rafns.

[Elli og Kristin (IP-tala skráð) 19.1.2009 kl. 01:22]

Hæhæ, bíðum enn eftir að þið fáið heimasíma svo við getum hringt í ykkur, endilega látið okkur vita þegar það gerist Vorum svo að pæla hvenær við mættum koma út til ykkar í sumar ?

Kveðja Elli og Kristín